Nepalda bosh vazir nomzodi ChatGPT orqali tanlandi
Neyron tarmoq buning uchun to‘rt kishini tanlab bergan.
Nepalda yoshlar bosh vazirlikka nomzodni sunʼiy intellekt yordamida tanlashdi. Bu haqda The Hindustan Times xabar berdi.
Maʼlumotlarga ko‘ra, fuqarolar ChatGPT chat-botiga murojaat qilib, to‘rtta nomzoddan iborat ro‘yxat tuzishni va ularning afzal hamda kamchilik jihatlarini tahlil qilishni so‘rashgan. Neyron tarmoq tahlili natijasida sobiq Oliy sud raisi Sushila Karkini eng munosib nomzod sifatida tavsiya etgan.
ChatGPT bahosida taʼkidlanishicha, Karki mamlakatdagi turli guruhlarning ishonchini qozonish va islohotlarni amalga oshirishga qodir shaxs sifatida ko‘rilgan.
