Olmaotadagi portlashda uch o‘zbekistonlik halok bo‘ldi
Ular qashqadaryolik yigitlar ekani aytilmoqda.
Qozog‘istonning Olmaota shahrida yuz bergan portlash oqibatida 3 kishi halok bo‘ldi, deya xabar bermoqda “Kazinform” nashri.
Qayd etilishicha, hodisa Olmaota viloyatidagi metall yig‘ish sexlaridan birida sodir bo‘lgan. Hodisa oqibatida o‘sha yerda ishlayotgan uch nafar qashqadaryolik yigitlar halok bo‘lgan.
Voqea joyiga zudlik bilan favqulodda xizmatlar – politsiya, o‘t o‘chiruvchilar va tez yordam mashinasi yetib borgan.
Hozirda mazkur holat yuzasidan tergovga qadar tergov harakatlari olib borilmoqda. Voqea sabablari va oqibatlari aniqlanmoqda.
Ayni paytda marhumlarni O‘zbekistonga olib kelish choralari ko‘rilmoqda.
