O‘zbekiston Global innovatsiya indeksida 79-o‘rinni egalladi

Jahon intellektual mulk tashkiloti (WIPO) tomonidan e’lon qilingan Global innovatsiya indeksi – 2025-yilgi hisobotiga ko‘ra, O‘zbekiston 139 ta mamlakat orasida 79-o‘rinni egalladi.

 

Ma’lumot uchun, ushbu reyting har yili sentabr oyida e’lon qilinadi hamda 2 ta subindeks va 7 ta yo‘nalish bo‘yicha birlashtirilgan qariyb 80 ta indikator asosida tuziladi.

 

O‘zbekiston 2015-yilda indeksga ilk bor kirgan bo‘lib, 141 mamlakat orasida 122-o‘rinni egallagan. 2024 yilda esa 132 mamlakat ichida 83-o‘rinni qayd etgan edi.

 

2025 yilgi natijalarga ko‘ra:

 

Innovation input (sarmoya va resurslar) subindeksida – 69-o‘rin,

 

Innovation output (natijadorlik) subindeksida – 92-o‘rin qayd etildi.

 

Baholangan 78 indikator ichida:

 

36 ta ko‘rsatkichda ijobiy o‘sish,

 

7 tasi o‘zgarishsiz.

 

Yo‘nalishlar kesimida O‘zbekiston quyidagi natijalarga erishdi:

 

“Inson kapitali va ilmiy tadqiqotlar” (+12 o‘rin),

 

“Infratuzilma” (+1),

 

“Bozor rivojlanishi” (+4),

 

“Bilim va texnologiya mahsulotlari” (+10) — ijobiy o‘zgarishlar,

 

“Biznesni rivojlantirish” (-4),

 

“Ijodiy mahsulotlar” (-1) — pasayish,

 

“Boshqaruv institutlari sifati” — o‘zgarishsiz qoldi.

 

Daromad darajasi bo‘yicha O‘zbekiston quyi o‘rta daromadli mamlakatlar guruhida 37 davlat ichida 7-o‘rinni (2024-yilda 10-o‘rin), Markaziy va Janubiy Osiyo bo‘yicha esa Hindiston va Eron ortidan 3-o‘rinni (2024-yilda 4-o‘rin) egalladi.