Kamerun Prezidentining qizi saylovchilarni otasini qo‘llamaslikka chaqirdi
Pol Biyya 1982-yildan buyon mamlakatni boshqarib keladi va 12-oktabrdagi saylovlarda 8-bor nomzod sifatida qatnashmoqda.
Kamerun Respublikasi Prezidenti Pol Biyaning yagona farzandi – Brena Biyya ijtimoiy tarmoqlardagi chiqishi bilan mamlakat jamoatchiligi e’tiborini tortdi. U e’lon qilgan videomurojaatida Kamerun fuqarolarini 92 yoshli amaldagi prezidentni qo‘llab-quvvatlamaslikka chaqirdi.
Brena o‘z murojaatida ota-onasi bilan shaxsiy munosabatlari izdan chiqqanini, oila a’zolaridan bosim va tahdidlarni boshdan kechirayotganini aytib o‘tdi. Shuningdek, u prezidentning 8-bor saylovda ishtirok etayotganini alohida ta’kidladi va mamlakat aholisi unga ovoz bermasliklari lozimligini bildirdi.
Ushbu murojaat qisqa fursat ichida uning shaxsiy sahifasidan olib tashlangan bo‘lsa-da, videolavha mahalliy va xalqaro ommaviy axborot vositalarida keng tarqalib ketdi.
Ma’lumot uchun, Kamerun Prezidenti Pol Biyya 1982-yildan buyon mamlakatni boshqarib kelmoqda. U joriy yilning 12-oktabrida o‘tkazilishi belgilangan prezidentlik saylovlarida yana nomzod sifatida ishtirok etishini rasman ma’lum qilgan.
