Zelenskiy Putin bilan Qozog‘istonda uchrashmoqchi
Astana bunda vositachi sifatida ishtirok etishi mumkin.
Ukraina prezidenti Vladimir Zelenskiy Rossiya rahbari Vladimir Putin bilan Qozog‘istonda oliy darajadagi muzokaralar o‘tkazishga tayyorligini bildirdi.
"Agar Putin xohlasa, Qozog‘istonda oliy darajali muzokaralar o‘tkazishimiz mumkin", — dedi Zelenskiy Fox News telekanaliga bergan intervyusida.
Uning taʼkidlashicha, Kiyev Moskvada emas, balki neytral hududda uchrashuv o‘tkazish tarafdori.
Zelenskiy shuningdek, Ukraina avvalroq Turkiya, Saudiya Arabistoni, Qatar, Avstriya va Shveysariyani ham ehtimoliy muzokaralar maydoni sifatida ko‘rsatganini eslatdi.
Avvalroq Astana ham Moskva va Kiyev o‘rtasidagi muloqot uchun maydon taqdim etishga va vositachi sifatida ishtirok etishga tayyorligini bildirgan. Qozog‘iston tashqi siyosatda o‘rta yo‘lni tanlab, ikki davlat bilan munosabatlarda diplomatik hallar izlashni muhim deb hisoblaydi.
Shu tariqa, Qozog‘iston Putin va Zelenskiy uchrashuvi uchun ehtimoliy maydonlardan biri sifatida ko‘rilmoqda.
