Janubiy Koreyada tatuirovka san’ati qonuniylashtirildi
30 yillik taqiq bekor qilindi, endilikda ustalar litsenziya asosida ishlashlari mumkin bo‘ladi.
Janubiy Koreya parlamenti 30 yildan ortiq vaqt davomida tatuirovka sohasida amal qilib kelgan qat’iy cheklovni bekor qildi. Endilikda tatuirovka rassomlari tibbiy ma’lumotga ega bo‘lmasdan ham qonuniy faoliyat yuritish imkoniga ega bo‘ladilar.
Ma’lumotlarga ko‘ra, 1992-yilda Koreya Oliy sudi qarori asosida tatuirovka faqat shifokorlar tomonidan amalga oshirilishi mumkin edi. Ushbu amaliyot tatuirovka ustalari uchun yillar davomida faoliyatni qonuniy asosda yuritishda jiddiy to‘siqlar yaratgan edi.
Qabul qilingan “Tatuirovka rassomlari to‘g‘risida”gi qonunga ko‘ra, ustalar endilikda maxsus litsenziya olish imkoniga ega bo‘ladilar. Biroq qonun ikki yil davomida kuchga kiradi. Shu vaqt mobaynida tatuirovka ustalari milliy imtihondan o‘tishi, xavfsizlik va gigiena bo‘yicha kurslarni yakunlashi hamda faoliyat jarayonida batafsil hujjatlarni yuritishi shart bo‘ladi.
Shuningdek, tatuirovkani lazer orqali olib tashlash faqat tibbiy mutaxassislarga ruxsat etiladi.
Parlamentning ushbu qarori tatuirovka san’ati bilan shug‘ullanuvchi ustalarning ko‘p yillik huquqiy kurashi natijasi sifatida baholanmoqda.
