BMT Eronga qarshi sanksiyalarni tikladi
Cheklovlarga aktivlarni muzlatish, yadroviy texnologiyalarni taqiqlash va qurol embargosini tiklash kiradi.
Birlashgan Millatlar Tashkiloti tomonidan Eronga qarshi xalqaro sanksiyalar qayta kuchga kiritildi.
“Kommersant” nashri ma’lumotlariga ko‘ra, yangilangan cheklovlar Eronning xorijdagi aktivlarini muzlatish, yadroviy texnologiyalar ishlab chiqishini taqiqlash hamda qurol embargosini qayta joriy etishni o‘z ichiga oladi.
Ta’kidlanishicha, mazkur mexanizm bundan bir oy muqaddam Buyuk Britaniya, Germaniya va Fransiya tashabbusi bilan ishga tushirilgan edi. Unga ko‘ra, Tehron 2015-yilda imzolangan Qo‘shma keng qamrovli harakatlar rejasi (JCPOA) doirasidagi majburiyatlarini muntazam ravishda buzib kelayotgani bois ushbu choralar ko‘rilgan.
