Putin NATO faoliyatini Ukraina mojarosining asosiy sababi deya baholadi

Rossiya Prezidenti Vladimir Putin o‘z chiqishida mamlakatning xalqaro maydondagi o‘rni, NATO faoliyati, Ukraina inqirozi hamda G‘arb davlatlari bilan munosabatlar borasida bir qator muhim fikrlarni bildirib o‘tdi.

 

Putinning so‘zlariga ko‘ra, Rossiya tarixiy davlat sifatida har doim mavjud bo‘lgan va kelajakda ham o‘z mavqeini saqlab qoladi. U Rossiyaga qarshi qaratilgan provokatsiyalar og‘ir oqibatlarga olib kelishi mumkinligini qayd etdi. Prezidentning ta’kidlashicha, Rossiyaga nisbatan joriy etilgan mislsiz miqdordagi sanksiyalar kutilgan natija bermagan va mamlakat o‘z mustahkamligini saqlab qolmoqda.

 

Putin NATOning Rossiya chegaralariga yaqinlashuvi Ukraina mojarosiga sabab bo‘lganini eslatib, agar bu holat kuzatilmaganida, mojaro boshlanmagan bo‘lishi mumkinligini ta’kidladi. U shuningdek, AQShning prezidenti Donald Tramp hokimiyatda bo‘lganida vaziyatni oldindan hal etish imkoniyati yuqori bo‘lishini bildirdi.

 

Prezidentning so‘zlariga ko‘ra, Yevropa davlatlari mojaroni yanada keskinlashtirishga urinmoqda, Kiyevdagi rahbarlar esa o‘z fuqarolarini noto‘g‘ri yo‘lga boshlamoqda. Shunga qaramay, Rossiya armiyasi strategik tashabbusni qo‘ldan bermagan va doimo jangovar tayyorgarlikda qolmoqda.

 

Putin Rossiya hech qachon harbiy to‘qnashuvlarni boshlamaganini, biroq mamlakatning xavfsizligi va manfaatlarini himoya qilishda qat’iyatli bo‘lishini alohida ta’kidladi.