Turkiyada o‘zbekistonlik ayol ishlayotgan uyida o‘lik holda topildi
Avvalroq Turkiyada yana bir o‘zbekistonlik ayolning jasadi topilgani haqida xabar berilgan edi.
Turkiyada ishlayotgan 40 yoshli O‘zbekiston fuqarosi yashab turgan xonadonda vafot etgan holda topildi. Ma’lum qilinishicha, u keksa er-xotinga qarovchi sifatida ishlagan va voqea ularning uyida sodir bo‘lgan.
Guvohlarning so‘zlariga ko‘ra, ayolning jasadi bog‘ hududida aniqlangan. Tez yordam xodimlari voqea joyiga yetib kelganida uning hayot belgilarisiz ekanini tasdiqlashgan. Shuningdek, voqea joyida politsiya va prokuratura xodimlari ham ish olib borgan.
Hozirda holat yuzasidan tergov harakatlari davom etmoqda. Marhumaning jasadi sud-tibbiy ekspertizasi o‘tkazish uchun Anqaraga yuborildi.
Eslatib o‘tamiz, bundan avvalroq Turkiyada yana bir o‘zbekistonlik ayolning jasadi topilgani haqida xabar berilgan edi. O‘sha voqea bo‘yicha gumonlanuvchi shaxs O‘zbekistonda qo‘lga olingan.
