Dunyo bo‘ylab Falastin tarafdorlarining namoyishi avj oldi
Xususan, Barselonada 300 ming kishi Falastinni himoya qilib chiqdi.
G‘azodagi urush va Isroil tajovuziga qarshi turli mamlakatlarda ommaviy chiqishlar bo‘lib o‘tdi.
Xususan, Seulda minglab odamlar Isroilning harbiy harakatlariga qarshi chiqishdi. Rimda 250 mingdan ortiq fuqaro ishtirok etgan marshda hukumatdan Isroil bilan savdo aloqalarini uzish talab qilindi.
Ispaniya poytaxti Barselonada 300 ming kishi shahar tarixidagi eng yirik Falastin tarafdorlari chiqishlaridan birini o‘tkazdi.
Kanadada minglab odamlar G‘azodagi qirg‘inchiliklarga qarshi chiqishdi. Marokashda o‘n minglab fuqarolar “Sumud” global flotiliyasini qo‘llab-quvvatlab, G‘azo aholisi uchun adolat talab qilishdi.
Istanbulda Ayya-Sofiyadan Eminyonyu maydonigacha bo‘lgan yurishda minglab odamlar Falastin bilan birdamlik bildirdi.
BMTda bir qator davlatlar G‘azoda kechayotgan voqealarni qatʼiy qoraladi va zudlik bilan otashkesim o‘rnatishga chaqirdi. Yevropa Ittifoqi ichida yagona pozitsiya shakllanmagan bo‘lsa-da, ayrim mamlakatlar Isroilga harbiy yordamni cheklash masalasini ko‘tarmoqda.
AQSH esa anʼanaviy ravishda Isroilni qo‘llab-quvvatlayotgani uchun dunyo jamoatchiligidan qattiq tanqidga uchramoqda. Turkiya, Janubiy Afrika, Lotin Amerikasidagi ayrim davlatlar Falastin xalqini ochiq-oydin himoya qilib chiqdi.
