Fuqarolarga Face-ID bilan pensiya berish boshlandi
Bu orqali pensiyaning boshqa shaxslarga to‘lab yuborish holatlari oldi olinadi.
Oktyabr oyidan boshlab hududlarda pensiyalarni naqd pul shaklida to‘lash fuqarolarni biometrik identifikatsiya qilish (Face-ID) hamda ularning imzosini elektron shaklda olish orqali amalga oshirilishi boshlandi. Bu haqida Pensiya jamg‘armasi Matbuot xizmati xabar qildi.
Qayd etilishicha, ushbu tizimni joriy etishdan ko‘zlangan maqsad — pensiyalarni fuqarolarga to‘liq va o‘z vaqtida yetkazish.
Endilikda to‘lov jarayonida bo‘lishi mumkin bo‘lgan Xalq banki tomonidan hisobotlarda “to‘landi” deb hisobot berilib, amalda fuqaroga to‘lanmaslik yoki boshqa shaxslarga to‘lab yuborish holatlari oldi olinadi.
