Hindistonda bolalarni o‘ldirgan yo‘tal dori O‘zbekistonda ham bormi?
Bu bo‘yicha Farmatsevtika mahsulotlari xavfsizligi markazi maʼlumot berdi.
Avvalroq Hindistonda “Coldrif” dori vositasini qabul qilgan 14 nafar bola vafot etgani haqida xabar berilgandi. Ushbu holat yuzasidan Farmatsevtika mahsulotlari xavfsizligi markazi rasmiy munosabat bildirdi.
Qayd etilishicha, “Sresan Pharma” kompaniyasi tomonidan ishlab chiqarilgan “Coldrif” dori vositasi O‘zbekiston Respublikasida davlat ro‘yxatidan o‘tkazilmagan.
Maʼlumot uchun, “Dori vositalari va farmatsevtika faoliyati to‘g‘risida”gi O‘zbekiston Respublikasi Qonuniga muvofiq, dori vositalarining, tibbiy buyumlarning va tibbiy texnikaning tibbiyot amaliyotida qo‘llanilishiga ular davlat ro‘yxatidan o‘tkazilgandan keyin ruxsat etiladi.
