Ayrim OTMlarda talabalarnig stipendiyalari nima sababdan kechikmoqda?
Oliy ta’lim vazirligi ayrim OTM talabalariga stipendiya mablag‘lari kechikayotgani haqidagi xabarlarga rasmiy izoh berdi.
Oliy ta’lim, fan va innovatsiyalar vazirligi ayrim oliy ta’lim muassasalari talabalariga stipendiya mablag‘lari kechikib tushayotgani haqidagi xabarlar yuzasidan izoh berdi.
Ma’lum qilinishicha, ayrim oliy ta’lim muassasalarida, xususan, O‘zbekiston Milliy universiteti, San’at va madaniyat instituti, Toshkent davlat agrar universiteti hamda Samarqand davlat tibbiyot universitetining 1-bosqich talabalari uchun to‘lovlarning kechikishiga buyruqlarni rasmiylashtirish va bank kartalarini ochish jarayoni sabab bo‘lgan.
Vazirlik barcha yuqori kurs talabalari stipendiyalarini o‘z vaqtida olganini qayd etib, qolgan to‘lovlar ham joriy hafta yakuniga qadar amalga oshirilishini ma’lum qildi.
Tashkilot ma’lumotiga ko‘ra, hozirda barcha zarur hujjatlar rasmiylashtirilmoqda va talabalar yaqin kunlarda stipendiyalarini olishadi.
