Samarqandda YPX xodimi sabab 4 ta mashina YTHga uchradi
Hozirda holat yuzasidan tergovga qadar tekshiruv olib borilmoqda.
Kecha, 9 oktyabr kuni Samarqand viloyatining Samarqand shahrida YPX mashinasi va Damas ishtirokida yo‘l-transport hodisasi yuz berdi. Bu haqida viloyat IIB axborot xizmati xabar berdi.
Qayd etilishicha, soat 14:15 larda Samarqand viloyati IIB Patrul-post xizmati batalyoni inspektori boshqaruvida bo‘lgan Nexia-3 rusumli xizmat avtotransport vositasida Damas rusumli avtotransport vositasining orqa tomoniga kelib urilgan.
Natijada Damas o‘zidan oldinda turgan Damas-2 hamda Lasetti avtotransportlari bilan to‘qnashib, yo‘l-transport hodisasi sodir bo‘lgan.
Nexia-3 xizmat avtotransportida bo‘lgan patrul-post xizmati inspektori va Damas haydovchisiga tibbiy muolajalar ko‘rsatilib, javob berilgan. YTHning barcha ishtirokchilari hushyor holatda bo‘lgan.
Hozirda holat yuzasidan Samarqand shahar prokuraturasi tomonidan tergovga qadar tekshiruv harakatlari olib borilmoqda.
