Zangiotada Nexia-3 pastlikka tushib ketdi
Hodisa oqibatida haydovchi tan jarohati olgan.
Toshkent viloyatining Zangiota tumanida Nexia-3 YTHga uchrab, pastlikka tushib ketdi. Bu haqida viloyat IIBB YHXB xabar berdi.
Qayd etilishicha, hodisa 13 oktyabr kuni soat 03:30 larda Toshkent viloyati Zangiota tumani hududidan o‘tgan mahalliy ahamiyatga ega bo‘lgan yo‘lda yuz bergan. 2005-yilda tug‘ilgan haydovchi Nexia-3 rusumli avtomobilni boshqarib ketayotgan vaqtida rul boshqaruvini yo‘qotib, yo‘lning o‘ng tomonidagi pastlikka tushib ketgan.
Natijada haydovchi yengil tan jarohati olib shifoxonaga murojaat qilgan. Hozirda holat yuzasidan Zangiota tumani IIB YHXB tomonidan surishtiruv ishlari olib borilmoqda.
