AQShda 43 yil nohaq qamoqda o‘tirgan erkak oqlandi
Hindistonlik erkak aybsiz deb topildi, ammo AQSh uni deportatsiya qilishni rejalashtirmoqda.
AQShda 43 yil davomida nohaq ravishda qamoqda saqlangan Subramaniyam Vedam ismli erkak nihoyat ozodlikka chiqdi. U 1980-yilda sodir etilgan qotillik ishi bo‘yicha aybdor deb topilib, umrbod ozodlikdan mahrum etilgan edi.
Oradan 40 yil o‘tgan so‘ng yangi dalillar va DNK tahlillari Vedamning begunohligini tasdiqladi. Sud uni oqlandi deb topgan bo‘lsa-da, erkak ozodlikka chiqishi bilanoq AQShning Immigratsiya va bojxona nazorati (ICE) xodimlari tomonidan hibsga olindi. Endilikda uni Hindistonga deportatsiya qilish masalasi ko‘rib chiqilmoqda.
Vedam go‘dakligidan AQShda yashab kelgan, shu yerda o‘sgan va doimiy rezident maqomiga ega bo‘lgan. Uning advokati Ava Benach bu holatni “odamni butun umr adolatsizlikka duchor qilib, endi yana hayotini buzish urinishidir”, deb baholadi.
1980-yilda 19 yoshli talaba Tom Kinserning o‘ldirilganligi uchun ayblangan Vedam qamoq jazosini o‘tayotgan paytda ham o‘zini begunoh deb e’lon qilib kelgan. Endi esa u 43 yillik adolatsizlikdan keyin ham ozod hayotga qayta kirishish uchun kurashmoqda.
