Toshkentda ichki ishlar xodimiga 50 ming dollar pora taklif qilgan shaxs qo‘lga olindi
U kriptojinoyatni yopib qo‘yish maqsadida huquq-tartibot xodimiga 0ora taklif qilgan.
Toshkent shahrida kriptovalyutaga oid noqonuniy faoliyat bilan shug‘ullangan shaxslar fosh etildi. Aniqlanishicha, to‘rt kishidan iborat jinoiy guruh xorijiy onlayn kazino platformasi orqali noqonuniy kripto-operatsiyalarni amalga oshirgan. Ular turli bank kartalari va raqamli hamyonlar orqali yirik miqdordagi mablag‘larni aylantirib kelgan.
Tergov davomida guruh a’zolaridan biri ishni “yopib qo‘yish” maqsadida huquq-tartibot idorasi xodimiga 50 ming AQSh dollari miqdorida pora taklif qilgan. Mas’ul xodim pora olishdan bosh tortgan va holat yuzasidan darhol tegishli organlarga xabar bergan.
O‘tkazilgan tezkor tadbir davomida gumonlanuvchi pora topshirish jarayonida qo‘lga olindi. Hozirda unga nisbatan Jinoyat kodeksining 211-moddasi (“Pora berish”) bo‘yicha ish qo‘zg‘atildi.
Tergov jarayoni davom etmoqda.
