Prezident bir guruh ichki ishlar xodimlarini davlat mukofotlari bilan taqdirladi
Davlat mukofotlari ichki ishlar tizimida sadoqat, jasorat va halollik bilan xizmat qilgan xodimlarga topshirildi.
Ichki ishlar organlari xodimlari kuni munosabati bilan O‘zbekiston Respublikasi Prezidenti Shavkat Mirziyoyev tomonidan tegishli farmon imzolandi. Unga ko‘ra, yurtimizda jamoat xavfsizligi va osoyishtalikni ta’minlash, jinoyatchilikka qarshi kurashish, fuqarolarning huquq va erkinliklarini himoya qilishda fidokorona xizmat qilgan ichki ishlar organlari xodimlari davlat mukofotlari bilan taqdirlandi.
Mazkur farmon bilan xizmat burchini ado etishda yuksak mas’uliyat, sadoqat va jasorat ko‘rsatgan, fuqarolarning tinchligi va osoyishtaligini saqlashda o‘zini ko‘rsatgan bir guruh xodimlar quyidagi mukofotlarga sazovor bo‘ldi:
II darajali “Shon sharaf” ordeni — Ramazon Ashropov, Ichki ishlar vaziri o‘rinbosari.
“Mardlik” ordeni — Baxtiyor Torebekov, Qoraqalpog‘iston Respublikasi IIV vaziri, hamda Ilyos Xusanov, Qamashi tumani profilaktika inspektori.
“Do‘stlik” ordeni — Mariya Maxmudova, Ulug‘bek Tashxodjayev, va Rustam Xatamov.
“Jasorat” medali — Avliyo Abbasov, Sayyora Karimkulova, Abdunayim Xaitov va Sanjar Xudaynazarov.
“Sodiq xizmatlari uchun” medali — Rustam Abbasov, Istam Isayev, Xurshid Maxmudov va boshqa bir qator xodimlarga topshirildi.
“Shuhrat” medali — To‘lqinboy Jumanov, Utkir Qulturayev, Dilshod Xasanov, Sherzod Xudoyberdiyev hamda Dilshodbek Eraxmatovga berildi.
Davlat mukofotlari ichki ishlar organlari tizimida uzoq yillar sadoqat bilan xizmat qilgan, xizmat burchini ado etishda jasorat namunasini ko‘rsatgan hamda yosh xodimlarni Vatanga muhabbat va fidoyilik ruhida tarbiyalashga hissa qo‘shgan xodimlarga berildi.
Taqdirlash marosimida Prezident farmoni o‘qib eshittirildi va mukofotlar tantanali ravishda topshirildi.
