Toshkentda “Turkmaniston madaniyat kunlari”ning yopilish marosimi bo’lib o‘tdi
Tadbirda o’zbek va turkman milliy qo’shiqlari ijro etildi.
O’zbekiston Madaniyat Vazirligi tomonidan O’zbekiston xalqaro forumlar saroyida “Turkmaniston madaniyat kunlari”ning yopilish marosimi bo’lib o’tdi.
Marosimda o’zbek va turkman millatiga mansub vakillar ishtirok etdi. Tadbir turkman va o’zbek milliy qo’shiqlarini kuylash orqali boshlandi. Turkmaniston xalq artisti Suxanberdi Orazberdiyev tomonidan - “Turkmaniston” musiqasi ijro etildi raqsida “Lochin” folklor raqs guruhi ishtirok etdi. Shuningdek Turkmaniston xonandasi - Otajon Kakayev va “Lochin” folklor raqs guruhi tomonidan “Gelinler” turkman xalq og’zaki ijodi ijro etildi.
Tadbir mobaynida - turkman milliy raqslari namoyish etilayotgan paytda, tashrif buyurgan mehmonlarga turkman qizlari tomonidan Turkmaniston nonlari hadya etildi.
Tadbirda O’zbekiston Respublikasi Madaniyat Vaziri - Ozodbek Ahmadovich Nazarbekov ham tashrif buyurdi. Marosimda Abduhoshim Ismoilov ham o’z chiqishi bilan ishtirok etdi.
Shu bilan birga Zulayho Boyhonova barchaga ma’lum va mashxur bo’lgan “hay-hay” musiqasini ijro etdi.
Shu tariqa “Turkmaniston madaniyat kunlar” ining yopilish marosimi ko’tarinki ruhda yakuniga yetdi.
