Isroil G‘azo sektoriga yangi zarbalar berdi
Avvalroq AQSh prezidenti G‘azo urushining tugaganini e’lon qilgan edi.
25-oktabr kuni Isroil qurolli kuchlari G‘azo sektorining markaziy hududlarida yangi hujumlar amalga oshirdi. Bu haqda “TASS” agentligi xabar berdi.
Mahalliy manbalarga ko‘ra, Zarba “Nuseirat” tumanida yo‘naltirilgan bo‘lib, nishon sifatida Islomiy Jihod guruhi jangari faoliyati taxmin qilingan shaxslar tanlangan.
Isroil armiyasi bayonot berishicha, ushbu hujumlar radikal kuchlarning ehtimoliy hujumlarini oldini olish maqsadida zarur tadbir sifatida amalga oshirilgan. Bunday operatsiyalar ikki tomon o‘rtasida tinchlikni saqlash bo‘yicha kelishuvga qaramay davom etmoqda.
Eslatib o‘tamiz, 13-oktabrda AQSh prezidenti Donald Tramp G‘azo sektorida urush tugaganini e’lon qilgan edi, shuningdek, XAMAS oxirgi garovdagilarni ozod qilgan va Isroil esa javoban 1,966 falastinlik mahbusni ozod qilgan edi. Biroq 25-oktabrgi zarbalar kelishuvning barqarorligiga jiddiy sinov bo‘lmoqda.
So‘nggi hujumlar G‘azo hududida gumanitar vaziyatni yanada og‘irlashtirishi mumkinligi haqida xalqaro hamjamiyat ogohlantirmoqda. Yordam tashkilotlari blokada va yo‘llardagi cheklovlar tufayli zarur yordam jihozlarini G‘azoga yetkazish imkoniyati cheklanganligini bildirgan.
