AQSh delegatsiyasi O‘zbekistondagi Islom sivilizatsiyasi markaziga tashrif buyurdi
Mehmonlar qadimiy qo‘l yozmalar va noyob artefaktlarni ko‘rib, O‘zbekistonning madaniy merosini yuqori baholadi.
AQShning Janubiy va Markaziy Osiyo bo‘yicha maxsus vakili Sерjio Gor va AQSh Davlat kotibining birinchi o‘rinbosari Kristofер Landau boshchiligidagi delegatsiya O‘zbekistondagi Islom sivilizatsiyasi markaziga tashrif buyurdi.
Tashrif davomida mehmonlar markaz faoliyati, uning milliy arxitekturasi va bunyodkorlik yechimlari bilan yaqindan tanishdilar. Ular Islom sivilizatsiyasi muzeyi ekspozitsiyasini ko‘zdan kechirishdi, unda qadimiy qo‘l yozmalar, noyob artefaktlar va tarixiy osori-atiqalar taqdim etilgan. Mehmonlar O‘zbekistonning madaniy merosni asrab-avaylash va uni jahon miqyosida targ‘ib qilish borasidagi sa’y-harakatlarini yuqori baholadilar.
Markaz ekspozitsiyasi “Sivilizatsiyalar, Shaxslar va Kashfiyotlar” konsepsiyasi asosida tashkil etilgan bo‘lib, O‘zbekiston hududida yetishib chiqqan buyuk olimlar va ularning ilmiy merosi hamda jahon taraqqiyotiga qo‘shgan hissasi keng yoritilgan.
AQSh delegatsiyasining tashrifi ikki mamlakat o‘rtasidagi madaniy-gumanitar aloqalarni mustahkamlash va O‘zbekistonning boy tarixiy va ilmiy merosini xalqaro miqyosda targ‘ib etishda muhim qadam bo‘ldi.
