Toshkentda aholi uchun issiq suv va issiqlik taʼminoti narxlari 15 foizga oshiriladi
Bu bo‘yicha shahar hokimining qarori qabul qilindi.

Toshkentda aholi, byudjet va boshqa ulgurji tashkilotlar uchun markazlashtirilgan issiqlik taʼminoti xizmatlari tariflari oshiriladi. Bu haqida poytaxt hokimining 27 oktyabrdagi qarorida ko‘rsatib o‘tilgan.
Unga ko‘ra, quyidagi tariflar tasdiqlandi:
• bazaviy tarif — 711 641 so‘m/Gkal (QQSsiz);
• aholi uchun — 139 860 so‘m/Gkal (QQSsiz);
• byudjet tashkilotlari uchun — 925 797 so‘m/Gkal (QQSsiz);
• boshqa ulgurji tashkilotlar uchun — 342 296 so‘m/Gkal (QQSsiz).







