Jizzaxda alimentdan qochgan ota qaynonasinikidan topildi
U 2-xotinining onasinikida uy ishlari bilan shug‘illanib yurganda qo‘lga tushgan.
Jizzax viloyatida farzandlarini moddiy taʼminlashdan qasddan bo‘yin tovlab, davlat ijrochisidan yashirinib yurgan qarzdor topildi. Bu haqida MIB axborot xizmati xabar bermoqda.
Maʼlum bo‘lishicha, Majburiy ijro byurosining Zomin tumani bo‘limi tomonidan qarzdor G.R.ga nisbatan aliment to‘lovlarini amalga oshirmagani sababli qidiruv eʼlon qilingan.
Byuroning Jizzax viloyati boshqarmasi Qidiruv shuʼbasi xodimlari tomonidan o‘tkazilgan tezkor tadbirlar davomida u 2-xotinining onasinikida uy ishlari bilan shug‘illanib yurganda topilgan.
Aliment qarzi 62 million so‘mdan oshgan bo‘lib, qarzdor davlat ijrochisiga topshirilgan.
Qizig‘i shundaki, u qidiruv paytida oyoq kiyimini almashtirish bahonasida yana qochishga uringan.
