Qirg‘izistonda uchta OAV ekstremistik tashkilot deb e'lon qilindi
8 nafar jurnalist turli muddatga ozodlikdan mahrum etildi.
Qirg‘izistonda "Kloop" nashriyoti hamda "Temirov Live" va "Ayt Ayt Dese" YouTube-kanallari ekstremistik tashkilotlar sifatida tan olindi va ularning materiallarini tarqatish taqiqlandi.
Bishkek shahrining Oktyabr tumani sudi qaroriga ko‘ra, ushbu OAVlarning faoliyati ekstremistik deb topilgan. Sud qarori bilan:
"Kloop" asoschisi Rinat Tuxvatshin, "Temirov Live" va "Ayt Ayt Dese" kanallari asoschisi Bolot Temirov faoliyati ekstremistik deb e'lon qilindi.
Sud qarorini amalga oshirish Qirg‘iziston Raqamli rivojlanish va innovatsion texnologiyalar vazirligi huzuridagi aloqa sohasini tartibga solish va nazorat qilish xizmatiga yuklatildi.
Nashrlar o‘z faoliyati davomida mamlakatda noqonuniy ravishda pul chiqarish, korrupsiya, Rossiya kompaniyalarining Qirg‘iziston firmalari orqali sanksiyalarni chetlab o‘tish sxemalari bo‘yicha jurnalistik tergovlar olib borish bilan mashhur edi.
Jurnalistlarga "ommaviy tartibsizliklarga da'vat qilish" ayblovi qo‘yilgan bo‘lib, to‘rt nafar jurnalist olti yilgacha ozodlikdan mahrum etildi, yana to‘rt nafari uch yillik sinov muddati bilan jazolandı.
