Qozog‘istonda vafot etgan bemorning 5 a'zosi olti nafar bemorga o‘tkazildi
Olmaotada muvaffaqiyatli ko‘p a’zoli transplantatsiya amaliyoti o‘tkazildi.
Olmaota shahridagi Markaziy shahar klinik kasalxonasida vafot etgan donorning yaqinlarining roziligi bilan o‘tkazilgan ko‘p a’zoli transplantatsiya jarayoni natijasida olti nafar bemorning hayoti saqlab qolindi.
1962-yilda tug‘ilgan ayoldan olingan hayotiy a’zolar quyidagi bemorlarga muvaffaqiyatli o‘tkazildi:
- Yurak – 1988-yilda tug‘ilgan bemorga
- Jigar – 1982-yilda tug‘ilgan bemorga
- O‘ng buyrak – 1996-yilda tug‘ilgan bemorga
- Chap buyrak – 2017-yil oktabridan beri transplantatsiya kutayotgan 1966-yilda tug‘ilgan bemorga
- Ko‘z shox pardasi – 1983 va 1956-yillarda tug‘ilgan bemorlarga.
Transplantatsiya jarayoni Qozog'iston Respublikasi Sog‘liqni saqlash vazirligining Respublika transplantatsiya va yuqori texnologiyali tibbiy xizmatlarni muvofiqlashtirish markazi tomonidan tashkil etilib, Olmaotaning yetakchi transplantatsiya markazlari ishtirok etdi.
Donor yoshiga qaramasdan, olingan a'zolar a'lo holatda bo‘lib, ularning keyingi faoliyati uchun mos ekanligi tibbiyot mutaxassislari tomonidan tasdiqlandi.
Respublika markazi donor oilasiga ularning jasoratli qarori, shuningdek, tibbiyot mutaxassislariga murakkab jarayonni yuqori darajada amalga oshirganliklari uchun minnatdorchilik bildirdi.
