Turkiyada 7 qavatli bino qulab tushdi
Hodisa oqibatida halok bo‘lganlar bor.
Bugun, 29-oktyabr kuni ertalab Turkiyaning Qodjaeli viloyatidagi Gebze shahrida 7 qavatli turar joy binosi qulab tushdi.
Rasmiy maʼlumotlarga ko‘ra, bino qulashi oqibatida bir oiladan bir nechta kishi vayrona ostida qolgan. Ikki nafar bola halok bo‘lgani aytilmoqda. Bir nafar qiz qutqarilib, shifoxonaga yetkazilgan.
Qutqaruv ishlariga 600 nafardan ortiq xodim, o‘t o‘chiruvchilar va maxsus texnikalar jalb qilingan. Bino nima sababdan qulagani hali aniq emas. Mahalliy hokimiyat va mutaxassislar qurilish sifati, poydevor holati va yaqin-atrofdagi infratuzilma ishlari bu holatga taʼsir ko‘rsatgan-ko‘rsatmaganini tekshirmoqda.
