Toshkentda "Gelendvagen" va tez yordam mashinasi to‘qnashib ketdi
Hodisa oqibatida ikki haydovchi jabrlangan.
Bugun, 30-oktabr kuni soat 12:45 atrofida Toshkent shahri, Yashnobod tumanidagi Kichik halqa yo‘lida (sobiq Toshkent tibbiyot instituti yaqinida) yo‘l-transport hodisasi yuz berdi. Hodisada Mercedes G-Class ("Gelendvagen") va tez tibbiy yordam mashinasi ishtirok etgan.
Ma’lumotlarga ko‘ra, "Gelendvagen"ni 39 yoshli, tez yordam mashinasini esa 54 yoshli haydovchi boshqargan. To‘qnashuv natijasida ikki kishi jabrlangan bo‘lib, ularga darhol birinchi tibbiy yordam ko‘rsatilgan va holatlari barqaror.
Hodisa yuzasidan huquq-tartibot idoralari tomonidan tergov ishlari olib borilmoqda.
