Tramp kutilmaganda zudlik bilan yadroviy qurol sinovlarini boshlashni buyurdi
Harakat Rossiya va Xitoyning yadroviy dasturlariga javob hisoblanadi.
AQSh prezidenti Donald Tramp mamlakatning yadroviy qurol sinovlarini qayta boshlash to‘g‘risida qaror qabul qilinganini e'lon qildi. U "Truth Social" ijtimoiy tarmog‘idagi sahifasida bergan bayonotida bu qaror Rossiya va Xitoyning yadroviy dasturlariga nisbatan javob choralari sifatida qabul qilinganligini ta'kidladi.
Prezidentning aytishicha, "Jarayon darhol boshlanadi" va Mudofaa vazirligi tegishli ko‘rsatmalarni olgan. Oq uy rasmiysi esa boshqa davlatlar yadroviy sinovlar olib borayotgani sababli, AQSh ham ortda qolmasligi kerakligini bildirdi.
Tramp shuningdek, dunyo yadroviy kuchlari reytingini ham taqdim etdi. Unga ko‘ra, AQSh yadroviy qurol zaxirasi bo‘yicha dunyoda birinchi o‘rinda turadi, Rossiya ikkinchi, Xitoy esa uchinchi o‘rinda. Biroq u Xitoyning kelgusi besh yil ichida yetakchilarni quvib yetish imkoniyati borligini ta'kidladi.
