O‘zbekistondа 5 oyda 114 mingdan ortiq haydovchi jarima ballari oldi
Ushbu tizim joriy etilgach YTHlar 6,3 foiz, haydovchilar aybi bilan sodir bo‘lgan avtohalokatlar 31,2 foizga kamaydi.
O‘zbekistondа haydovchilar uchun jarima ballari tizimi joriy etilganidan buyon o‘tgan besh oy davomida 114 mingdan ortiq haydovchiga ball qo‘llanildi. Bu haqda Yo‘l harakati xavfsizligi xizmati axborot xizmati xabar berdi.
Ma’lumotlarga ko‘ra, 1-iyundan 30-oktabrigacha jami 114 382 nafar haydovchiga jarima ballari belgilangan. Ulardan:
114 374 nafariga — 1 dan 5 ballgacha,
6 nafariga — 5 dan 6 ballgacha,
1 nafariga — 7 ball,
yana 1 nafariga — 8 ball qo‘llangan.
Tizim joriy etilgandan so‘ng yo‘l-transport hodisalari soni 6,3 foizga, haydovchilar aybi bilan sodir bo‘lgan avtohalokatlar esa 31,2 foizga kamaygani qayd etildi. Mutasaddilar fikricha, mazkur ko‘rsatkichlar jarima ballari tizimi yo‘l harakati xavfsizligiga ijobiy ta’sir ko‘rsatayotganidan dalolat beradi.
Yo‘l harakati xavfsizligi bosh boshqarmasi axborot xizmati rahbari Zoir Yo‘ldoshev tizim natijalari haqida shunday dedi: “Jarima ballari tizimi o‘zini amalda oqladi, chunki bunday natija — ya’ni yo‘l-transport hodisalari sonining sezilarli kamayishi — avval kuzatilmagan edi”.
