Zoyir Mirzayev Ohangaron hokimini tanqid qilib, ishdan bo‘shatdi
U ishda yo‘l qo‘ygan xato va kamchiliklari uchun lavozimidan ozod etilgan.
Ohangaron shahrida Xalq deputatlari shahar Kengashining navbatdan tashqari sessiyasi bo‘lib o‘tdi. Sessiyada Toshkent viloyati hokimi Zoyir Mirzayev o‘tgan qariyb ikki yil mabaynida shaharni ijtimoiy-iqtisodiy rivojlantirish borasidagi maqsad va vazifalarning ijrosi yuzasidan tanqidiy-tahliliy maʼruza qildi.
Sessiyada tashkiliy masala ko‘rildi. Shahar hokimi lavozimida ishlab kelgan Rajabboyev Muzaffar Erkaboyevich ishda yo‘l qo‘ygan xato va kamchiliklari uchun lavozimidan ozod etildi.
Zoyir Mirzayev Ohangaron shahar hokimi lavozimiga Ohangaron tumani hokimining qurilish, to‘siqlarsiz muhit yaratish, kommunikatsiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari vazifasida ishlab kelgan Sadriddin Shoqosimov nomzodini tavsiya qildi.
Nomzod shaharning yaqin istiqboli yuzasidan taqdimot qildi. Xalq deputatlari Ohangaron shahar Kengashi S. Shoqosimovni shahar hokimi etib tasdiqladi.
