Hindistonda tiqilinch sabab 10 kishi halok bo‘ldi
Yana qo‘plab odamlar jarohat olib, shifoxonaga yotqizilgan.
Hindistonning Andxra Pradesh shtatida joylashgan Srikakulam shahridagi ibodatxonada diniy marosim paytida yuz bergan tiqilinch oqibatida kamida o‘n nafar dindor halok bo‘ldi. Halok bo‘lganlar orasida asosan ayollar va bolalar bo‘lgan.
Mahalliy hokimiyat va qutqaruv xizmati xabariga ko‘ra, ibodatxonada marosim uchun odamlar juda ko‘p to‘plangan, chiqish yo‘lagida teskari harakat boshlanib, odamlar bir-birini bosib ketgan.
Voќyea joyida yana bir necha kishi jarohat olgan, ular yaqin atrofdagi shifoxonalarga yetkazilgan. Jarohatlanganlar soni aniqlanmoqda.
Hindistonda yirik diniy tadbirlar va ziyorat marosimlarida odam oqimini boshqarish muammosi ko‘p yillardan beri dolzarb bo‘lib kelmoqda. Ekspertlar bunday hodisalarning asosiy sabablari sifatida tartibni taʼminlashdagi kamchiliklar, infratuzilmaning torligi va xavfsizlik qoidalariga yetarlicha amal qilinmasligini qayd etadi.
