Ukraina dronlari Rossiya portiga hujum qildi
Ekipaj evakuatsiya qilingan. Jabrlanganlar haqida maʼlumot yo‘q.
Krasnodar o‘lkasining Tuapse shahrida uchuvchisiz uchish apparati hujumi natijasida tanker va neft terminali zarar ko‘rdi. Bu haqida Reuters agentligi xabar bermoqda.
O‘lka Operativ shtabi xabariga ko‘ra, dron parchalari tankerga tushib, paluba shikastlangan va yong‘in yuzaga kelgan. Ekipaj evakuatsiya qilingan. Jabrlanganlar haqida maʼlumot yo‘q.
Hujumga uchragan port hududida “Rosneft”ga tegishli neft terminali va qayta ishlash zavodi joylashgan.
Bundan tashqari, dron bo‘laklari Tuapsin tumanidagi Sosnoviy qishlog‘idagi ko‘p qavatli uyga ham zarar yetkazgan. Parchalar binoning uchinchi qavatiga tushib, derazalarni sindirgan. Dastlabki maʼlumotlarga ko‘ra, bu yerda ham jabrlanganlar qayd etilmagan.
