Afrikada kolera tarqalishi ortidan joriy yilda qariyb 7 ming inson vafot etdi
Epidemiya 23 mamlakatda aniqlanib, holatlar soni 297 mingdan oshmoqda.
Afrikada 2025-yilda kolera epidemiyasi keskin tarqalmoqda. So‘nggi ma’lumotlarga ko‘ra, qit’ada 297,394 ta holat qayd etilgan va 6,854 kishi vafot etgan, o‘lim darajasi 2,3 foizni tashkil qiladi. Epidemiyaning eng og‘ir ta’siri Angolada va Burundida kuzatilmoqda, bu mamlakatlarda sanitariya sharoiti yomon va toza ichimlik suviga yetishmovchilik mavjud.
Africa CDC ma’lumotlariga ko‘ra, janubiy Sudan, Sudan va Konqo Demokratik Respublikasida oxirgi haftalarda holatlar kamaygan bo‘lsa-da, ushbu mamlakatlar epidemiyaning yuqori og‘ir yukini saqlab qolmoqda. Mutaxassislar yomg‘irlarning ko‘p yog‘ishi sababli epidemiyaning yil oxirigacha yanada kengayishi mumkinligini ogohlantirmoqda.
Kolera — Vibrio cholerae bakteriyasi sababli kelib chiqadigan ichak infeksiyasi bo‘lib, asosan ifloslangan suv yoki oziq-ovqat orqali yuqadi. Jahon bo‘yicha esa 518,324 ta holat qayd etilgan va 32 mamlakatda 6,508 kishi vafot etgan.
Mutaxassislar aholiga toza ichimlik suvi va gigiyena qoidalariga rioya qilishni, shuningdek, sog‘liqni saqlash tizimlari epidemiyaga qarshi tezkor chora-tadbirlarni amalga oshirishni tavsiya qilmoqda.
