Farg‘onada umumiy ovqatlanish maskanida 591 mln so‘mlik gaz o‘g‘irlangani aniqlandi
Maskan yashirin tarmoq orqali gazdan foydalanib kelgan.
“Hududgazta’minot” AJ tomonidan tabiiy gazdan noqonuniy foydalanish holatlarini aniqlash bo‘yicha reyd tadbirlari davom ettirilmoqda. Farg‘ona shahrida o‘tkazilgan navbatdagi tekshiruv vaqtida gazdan o‘g‘rincha foydalanish holati fosh etilgan.
Ma’lum bo‘lishicha, shaharning Ipak yo‘li ko‘chasida joylashgan “Y.K.” nomli umumiy ovqatlanish maskani gaz tarmog‘iga yashirin tarzda ulanib, iste’mol qilingan gazni hisobga kiritmasdan foydalanib kelgan.
Mazkur holat yuzasidan dalolatnoma rasmiylashtirilgan va yetkazilgan zarar miqdori 591 million 642 ming so‘m etib qayta hisoblab chiqilgan.
Ishga oid hujjatlar huquqni muhofaza qiluvchi organlarga yuborilgan.
