O‘zbekistonda qariyb 150 ming kishi o‘ziga-o‘zi kredit olishni taqiqlagan
Tahlil natijalariga ko‘ra, gender jihatdan erkaklar ikki barobar ko‘proq ustunlik qiladi.
2025-yilning 1-oktabr holatiga ko‘ra, 149 ming 465 nafar jismoniy shaxs kredit berishda o‘z-o‘ziga taqiqlash bo‘yicha “Kreditga taqiq” xizmatiga ulangan. Bu haqda Kredit-axborot tahlil markazi kredit byurosi maʼlum qildi.
Taqiq qo‘yganlar orasida 101,4 mingdan ortig‘i erkaklar, 47,9 ming kishi ayollarni tashkil qiladi.
Kredit olish uchun o‘z-o‘zini tasdiqlashdan 25-35 yoshdagi fuqarolar eng faol foydalangan. Bu yoshdagi foydalanuvchilar umumiy foydalanuvchilarning uchdan bir qisimini tashkil qiladi. Keyingi o‘rinlarda 36-45 yoshlilar (25 foiz) va 26 yoshgacha bo‘lganlar (19,2 foiz) tashkil qiladi.
Kredit olishni o‘ziga o‘zi taqiqlash xizmati iyun oyida ishga tushirilganida, undan 33,1 mingdan ortiq kishi foydalangan. Iyul oyida 37,6 ming, avgustda 37,8 ming, sentyabr oyida esa 108 ming 658 nafar kishi KATMdan foydalangan. Oktyabr oyi uchun tahlil hali eʼlon qilinmadi.
Maʼlumot uchun, mazkur amaliyot joriy yilning 6-iyun kuni ishga tushirilgan edi. Undan Kredit-axborot tahliliy markazi kredit byurosi saytidan bepul foydalanish mumkin.
