Toshkentda nufuzli oliy o‘quv yurtlari talabalari giyohvand moddalar bilan ushlandi
Tezkor tadbir davomida talabalar yashash manzilida 700 g marixuana, 600 g gashish va 100 g mefedron topildi.
Toshkent shahrida bir nechta nufuzli oliy o‘quv yurtlari talabalari giyohvand moddalarni saqlash va realizatsiya qilishda gumonlanib qo‘lga olindi. Bu haqda Millar ko'rsatuvida xabar qilindi.
Ma’lum qilinishicha, tezkor tadbir davomida gumonlanuvchilardan birining yashash xonadoni ko‘zdan kechirilgan. Natijada salkam 700 gramm marixuana, 600 gramm gashish hamda 100 gramm mefedron giyohvandlik vositasi ashyoviy dalil sifatida aniqlanib, olib qo‘yilgan.
Hodisa yuzasidan jinoiy ish qo‘zg‘atilib, hozirda tergov harakatlari olib borilmoqda.
Ma’lumot uchun, 2025-yilning ilk olti oyi davomida O‘zbekistonda 46 nafar talaba giyohvand moddalar savdosi bilan shug‘ullangani aniqlangan.
