2025-yil boshidan buyon aviahalokatlarda 400 nafardan ortiq kishi halok bo‘ldi

 

2025-yilning o‘tgan davri davomida dunyo bo‘ylab sodir bo‘lgan aviahalokatlar oqibatida 400 nafardan ortiq inson hayotdan ko‘z yumdi. Bu ko‘rsatkich so‘nggi o‘n yillikdagi o‘rtacha ko‘rsatkichdan ancha yuqori. Taqqoslash uchun, oxirgi 10 yilda yiliga o‘rtacha 284 kishi aviahalokatlar qurboniga aylangan.

 

Yilning eng yirik fojealaridan biri 12-iyun kuni Hindistonning Ahmadobod shahrida kuzatildi — Air India aviakompaniyasiga tegishli Boeing 787 Dreamliner samolyoti halokati natijasida 260 nafar yo‘lovchi va ekipaj a’zolari vafot etdi.

 

Shuningdek, bir qator boshqa jiddiy aviahalokatlar ham qayd etildi. Xususan:

• AQShning Kentukki shtati, Luisvill shahrida UPS yuk tashuvchi samolyoti qulab tushishi oqibatida 7 kishi halok bo‘ldi.
• Noyabr oyida Turkiyaning AirACT aviakompaniyasiga tegishli yuk samolyoti Gonkong aeroportida uchish-qo‘nish yo‘lagidan chiqib ketgan, natijada 2 ekipaj a’zosi vafot etgan.
• American Airlines aviakompaniyasining 5342-reysi esa Vashington yaqinida harbiy vertolyot bilan to‘qnashuvi oqibatida halokatga uchrab, qurbonlar sonining oshishiga sabab bo‘ldi.

 

Bloomberg ma’lumotlariga ko‘ra, 2015-yil va 2018-yillar aviahalokatlar bo‘yicha eng fojeali davrlardan biri bo‘lgan — o‘sha yillarda halok bo‘lganlar soni yiliga 500 nafardan oshgan. Statistikaga yuk ko‘tarish quvvati 5,4 tonna va undan ortiq bo‘lgan, shuningdek 17 nafardan ko‘p yo‘lovchiga mo‘ljallangan samolyotlar kiritilgan.