Mast erkak Meksika prezidentiga shilqimlik qildi
Prezident holatni “barcha ayollarga qarshi tajovuz” deb baholadi.
4-noyabr kuni Meksika prezidenti Klaudiya Sheynbaum poytaxtdagi prezident saroyi yaqinida ommaviy tadbirga yo‘l olayotganida noma’lum shaxsning noo‘rin harakatlariga duch keldi. Bu haqda TAG24 xabar berdi.
Ijtimoiy tarmoqlarda tarqalgan videolarda aks etishicha, Sheynbaum yo‘lda fuqarolar bilan salomlashib, suratga tushayotgan paytda mast holatdagi erkak unga yaqinlashib, avval yelkasidan quchoqlagan, so‘ngra belidan ushlab, bo‘ynidan o‘pishga uringan. Prezidentning xavfsizlik xodimi vaziyatga zudlik bilan aralashib, shaxsni chetga olib chiqqan va u qo‘lga olingan.
Prezident holatni xotirjam tarzda qolib — erkak bilan suratga tushishga rozi bo‘lgan va vaziyatni keskinlashtirmaslikka harakat qilgan.
Sheynbaum 5-noyabr kuni bergan bayonotida voqeani “barcha ayollarga nisbatan tajovuzning ifodasi” deb baholadi. U bezoriga nisbatan rasmiy shikoyat kiritganini ham ma’lum qildi.
“Bu hodisa shaxsan menga emas, mamlakatimizdagi har bir ayolga tegishli. Bunday vaziyatni men avval ham boshdan kechirganman – nafaqat prezident sifatida, balki talabalik yillarimda ham”, — dedi Sheynbaum.
