Qo‘ng‘irotda bankdan qarzdor fuqaroning mashinasi xatlandi
Uning Jetour rusumli avtomobili auksionda sotilib, sotuvdan tushgan pullar bankka o‘tkazilgan.
Fuqarolik ishlari bo‘yicha Qo‘ng‘irot tumanlararo sudining 2025 yil 28 fevral kungi ijro hujjatiga asosan qarzdor K.Sh.dan “Biznesni Rivoshlantiri Banki” ATB foydasiga jami 282,5 mln so‘m kredit qarzini undirish, undiruvni kreditga olingan JETOUR DASHING rusumli avtomashinaga qaratish belgilangan.
Ushbu ijro hujjat Byuroning Qoraqalpog‘iston Respublikasi Alohida muhim ijro ishlarini ijro etish bo‘limi ish yurituviga kelib tushib, bo‘lim xodimlari tomonidan ijro harakatlariga kirishilgan.
Xususan, bo‘lim davlat ijrochisi tomonidan qarzdorga ushbu ijro hujjati ijrosini taʼminlash uchun 15 kunlik ixtiyoriy muddat berilib, sud qarorining ijrosini taʼminlamaslik oqibatlari tushuntirilgan.
Shunga qaramasdan, qarzdor tomonidan ijro hujjati talabi ixtiyoriy ravishda bajarilmaganligi sababli, kreditga olingan avtomashina bo‘lim davlat ijrochisi tomonidan tegishli tartibda xatlovga olingan va elektron onlayn-auksion savdo maydonchasi orqali sotuvga chiqarilgan.
Joriy yilning 29 sentyabr kuni o‘tkazilgan auksion savdosida avtomashina atigi 222 mln 138 ming so‘mga sotilib ketgan bo‘lib, sotuvdan tushgan pullar bankka o‘tkazilgan.
