So‘xga kirishda uzundan-uzun navbatlar yuzaga kelayotgani aytilmoqda
Zamon'uz bilan bog‘langanlarga ko‘ra, 100 minglab aholi So‘xga kirishga qiynalmoqda.
Ijtimoiy tarmoqlarda o‘zbekistonliklar So‘x tumaniga kirishda muammolar yuzaga kelayotgani haqida xabarlar tarqaldi.
Qayd etilishicha, 100 minglab aholi So‘xga kirishga qiynalmoqda.
Zamon.uz muxbiri vaziyat haqida maʼlumot olish uchun, bloger “Dima Qayum” bilan suhbatlashdi.
Uning aytishicha, bu hodisa 10 kundan buyon davom etmoqda va hali ham vaziyat shunday. Aholi 3-4 yoki 5 soatlab vaqt sarflamoqda. Shu sabadan odamlar soni ko‘payib ketgan. Bloger holat O‘zbekistondagi chegarada emas, balki Qirg‘iziston hududida sodir bo‘layotganini maʼlum qildi.
Zamon.uz muxbiri hodisaga oydinlik kiritish uchun O‘zbekiston Tashqi ishlar vaziri matbuot kotibi Ahror Burhonov bilan bog‘landi. Burhonovga ko‘ra, bu vaziyatdan ularning xabari bor. O‘zbekistonlik diplomatlar hozir qirg‘izistonlik hamkasblari bilan mana shu masalalarni hal qilmoqda.
Uning maʼlum qilishicha, tirbandlik u darajada katta emas.
