Turkiyadagi atir fabrikasida portlash yuz berdi
Hodisa oqibatida 6 kishi halok bo‘lgan.
Turkiyaning g‘arbiy qismida joylashgan Manisa viloyatida atir va kosmetika mahsulotlari ishlab chiqariladigan fabrikada kuchli portlash sodir bo‘ldi. Hodisa oqibatida kamida olti kishi halok bo‘lgan,
Sabah nashrining viloyat hokimiyatiga tayanib xabar berishicha, portlashdan keyin korxona binosida kuchli yong‘in kelib chiqqan. Qutqaruv xizmatlari yong‘inni o‘chirish jarayonida halok bo‘lganlarning jasadlarini topgan.
Favqulodda vaziyatlar xodimlari hodisa joyida qidiruv-qutqaruv ishlarini davom ettirmoqda. Zarar miqdori hali aniqlanmagan.
Dastlabki taxminlarga ko‘ra, portlash ishlab chiqarish jarayonidagi kimyoviy reaksiya yoki texnik nosozlik bilan bog‘liq bo‘lishi mumkin.
