Yevropa Ittifoqi Rossiyaga qarshi 20-sanksiyalar paketini tayyorlamoqda
Belarus ham yangi cheklovlar ostiga olinadi.
Yevropa Ittifoqi Rossiyaning Ukrainaga qarshi davom etayotgan urushi sababli yangi, 20-sanksiyalar paketini tayyorlash ishlarini boshladi. Bu haqda Evrokomissiyaning moliyaviy xizmatlar va jamg‘arma-investitsiya masalalari bo‘yicha komissari Mariya Luis Albukerke maʼlum qildi.
Shuningdek, sanksiyalarni chetlab o‘tishga yordam berayotgan uchinchi davlatlarga qarshi ham choralar ko‘rilishi rejalashtirilmoqda. Litva moliya vaziri Kristupas Vaytekunas va Albukerke 7 noyabr kuni bu masalani muhokama qilganlar. Vaytekunas Belarusga qarshi choralarni kuchaytirish, ularni Rossiyaga nisbatan joriy etilgan cheklovlar bilan muvofiqlashtirish zarurligini taʼkidladi.
Albukerke Belarusga nisbatan yangi choralarni tayyorlash jarayoni hali dastlabki bosqichda ekanini bildirgan. Unga ko‘ra, baʼzi uchinchi davlatlar sanksiyalarni chetlab o‘tishda yordam berayotgani bois, ular bilan ham ishlash rejalashtirilmoqda. Shu bilan birga, Ukraina prezidenti Volodimir Zelenskiy yangi sanksiyalar qarorlarini imzolagan, jumladan Yevropa sanksiyalari bilan muvofiqlashtirilgan iqtisodiy cheklovlar va Rossiyaga qarshi yangi choralarga oid qarorlar.
