Qarshida kafe hududida yong‘in sodir bo‘ldi
Yong‘in 5 ta yong‘in-qutqaruv ekipaji yordamida 2 soatda o'chirilgan.
9 noyabr kuni ertalab Qarshi shahar “Cho‘lquvar” mahallasida joylashgan tekstil ishlab chiqarish sexi hududidagi kafeda yong‘in yuz berdi. Viloyat Favqulodda vaziyatlar boshqarmasiga xabar soat 08:02 da kelib tushgan.
Hodisa joyiga tezkor yetib borgan 5 ta yong‘in-qutqaruv ekipaji va 2 ta maxsus texnika voqeani bartaraf etish ishlarini boshlagan. Yong‘in soat 09:59 da to‘liq o‘chirilgan.
Dastlabki ma’lumotlarga ko‘ra, hodisa oqibatida tan jarohati olganlar qayd etilmagan. Yong‘in sabablari o‘rganilmoqda.
