Qashqadaryodagi avtohalokatda 9 kishi halok bo‘lgani haqidagi xabarlar rad etildi
IIV avtohalokatda faqat bir kishi vafot etganini tasdiqladi.
Ijtimoiy tarmoqlarda Qashqadaryoning G‘uzor tumanida yuz bergan avtohalokat oqibatida 9 kishi halok bo‘lgani aytilgan xabarlar tarqaldi. Ichki ishlar vazirligi mazkur ma’lumotni rasmiy ravishda rad etdi.
Ma’lum qilinishicha, Surxondaryodan Toshkentga yo‘l olayotgan Cobalt avtomobili G‘uzor tumani hududida Nexia-2 bilan to‘qnashgan. Hodisa natijasida jami 6 nafar fuqaro shifoxonaga yetkazilgan bo‘lib, ulardan biri olgan tan jarohatlari oqibatida vafot etgan, qolgan bemorlarga esa birinchi tibbiy yordam ko‘rsatilgan.
Mazkur yo‘l-transport hodisasi yuzasidan Jinoyat kodeksining 266-moddasi (Yo‘l harakati qoidalarini buzish odam o‘limiga sabab bo‘lish) bo‘yicha jinoyat ishi qo‘zg‘atilib, tergov harakatlari olib borilmoqda.
