Rossiya Ukrainadagi urush tezroq tugashini istamoqda
Kreml tinchlik muzokaralari Ukraina pozitsiyasi sabab to‘xtab qolganini bildirdi.
Rossiya Ukrainadagi urush tezroq yakun topishini istayotganini, ammo tinchlik muzokaralari hozircha davom etmayotganini ma’lum qildi. Bu haqda Kreml matbuot kotibi Dmitriy Peskov jurnalistlarga bergan izohida ta’kidlagan. U AQSH prezidenti Donald Trampning “urush tez orada tugashi mumkin” degan bayonotiga javob qaytargan.
Peskovning aytishicha, Moskva mojaro siyosiy-diplomatik yo‘l bilan hal etilishidan manfaatdor. “Biz urush imkon qadar tez tugashini xohlaymiz. Ammo bu Rossiya belgilagan maqsadlar amalga oshganda sodir bo‘ladi. Muzokaralar jarayoni hozir to‘xtab qolgan, bunga biz sabab emasmiz”, dedi u Ukraina tomoni pozitsiyasini tanqid qilib.
Shu bilan birga, Ukraina va Yevropa davlatlari esa Rossiyani tinchlik tashabbuslariga to‘siq bo‘layotganlikda ayblab kelmoqda. Ikki tomon o‘rtasidagi yuzma-yuz muzokaralar 2023-yil iyulidan buyon o‘tkazilmagan. Urush boshlanganiga to‘rt yil bo‘layotgan bir paytda Rossiya Ukrainaning taxminan 19 foiz hududi ustidan nazoratni saqlab qolmoqda.
