Sirdaryoda ota 100 mln so‘mdan oshiq aliment to‘ladi
Shu tariqa uning ijro hujjati tamomlangan.
Sardobalik ota farzandiga 100 mln. so‘mdan oshiq aliment pulini oldindan to‘lab berdi. Bu haqida MIB axborot xizmati xabar bermoqda.
Qayd etilishicha, qarzdor U.O.dan voyaga yetmagan farzandining moddiy taʼminoti uchun aliment undirish to‘g‘risidagi sud qarori bo‘yicha ijro harakatlari Majburiy ijro byurosining Sardoba tuman bo‘limi tomonidan olib borilgan.
Mazkur ijro hujjati bo‘yicha olib borilgan ijro harakatlari va tushuntirish ishlari natijasida qarzdor ota farzandiga 103 mln so‘m aliment pulini oldindan to‘lab berdi.
Shu bois, taraflarning kelishuvi va undiruvchining arizasiga binoan mazkur ijro hujjatining ijrosi tamomlandi.
