Fargʻonada jinoyatga moyilligi bor fuqarolarning uyidan 16 kg dan ortiq giyohvand modda topildi
138 dona kuchli ta’sir qiluvchi dori vositalari musodara qilingan.
Fargʻona viloyatida jinoyatga moyilligi sabab tekshirilgan 124 fuqaroning yashash manzillarida o‘tkazilgan tadbirlar davomida jami 16 kg 23 gramm giyohvand modda aniqlangan. Shu jumladan, 15 kg 951 gramm marixuana va 52,5 gramm gashish musodara qilingan.
Bundan tashqari, tekshiruv davomida 138 dona bir necha nomdagi kuchli ta’sir qiluvchi dori vositalari ham ashyoviy dalil tariqasida olingan.
Mazkur tadbirlar 2025 yil 3 noyabrdagi Prezident farmoni №207 ijrosini ta’minlash, ya’ni aholining salomatligini himoya qilish va giyohvandlik hamda narkojinoyatlarga qarshi kurashish maqsadida o‘tkazilgan.
Fargʻona viloyati IIB Axborot xizmati xabariga ko‘ra, tergov va tekshiruv ishlari davom etmoqda.
