Fransiya Pavel Durovga qo‘yilgan taqiqni bekor qildi
Telegram asoschisi endi mamlakat hududini erkin tark etishi mumkin.
Fransiya hukumati Telegram messenjeri asoschisi Pavel Durovning harakatlanish cheklovlarini butunlay olib tashladi. Endi P. Durov Fransiya hududini erkin tark etishi mumkin va mahalliy politsiya bo‘limida muntazam ro‘yxatdan o‘tishi shart emas.
Eslatib o‘tamiz, Pavel Durov o‘tgan yil avgust oyida Parij aeroportida qo‘lga olingan edi. U Telegram’da e’lon qilingan kontent yetarli darajada moderatsiya qilinmagani va Fransiya huquq-tartibot idoralari bilan hamkorlik qilmaganligi sababli hibsga olingan.
Bloomberg nashri xabariga ko‘ra, endi ushbu cheklovlar bekor qilingan.
