Andijonda sobiq profilaktika inspektori ishtirokida YTH sodir bo‘ldi
Xodim YTH sodir etishidan ikki kun avval ishdan bo‘shatilgan bo‘lib chiqdi.
Joriy yilning 9-noyabr kuni soat taxminan 18:30larda Shahrihon tumani hududida sobiq ichki ishlar organlari xodimi ishtirokida yo‘l-transport hodisasi sodir bo‘ldi.
Aniqlanishicha, ilgari Shahrihon tumani IIBda profilaktika katta inspektori lavozimida faoliyat yuritgan S.A. 2025-yil 7-noyabrda Ichki ishlar vazirligi tomonidan berilgan tegishli buyruq asosida tizimdan qurolli kuchlar zaxirasiga bo‘shatilgan.
Hodisa vaqtida u o‘ziga tegishli “Nexia-3” rusumli avtomobilni Shahrihon tumani Nazarmahrom MFY hududidan o‘tgan mahalliy yo‘lda boshqarib ketayotgan bo‘lgan. Boshqaruvni yo‘qotishi oqibatida mashina qarama-qarshi yo‘nalishga o‘tib ketib, shu tomondan harakatlanayotgan 1972-yilda tug‘ilgan J.M. boshqaruvidagi skuter bilan to‘qnashgan.
To‘qnashuv natijasida skuter haydovchisi J.M. turli tan jarohatlari bilan shifoxonaga yotqizilgan. Avtomobil va skuter texnik shikast yetgan.
Hozirda ushbu holat yuzasidan Shahrikhon tumani prokuraturasi tomonidan tergovga qadar tekshiruv harakatlari olib borilmoqda.
