“Pokiston ikki frontda jangga tayyor” — Xavozha Asif
Mudofaa vaziri Hindiston va Afg‘oniston bilan yuzaga kelishi mumkin mojaro holatiga tayyor ekanini ma’lum qildi.
Pokiston mudofaa vaziri Xavozha Asif mamlakatning ikki frontda — sharqda Hindiston va g‘arbda Afg‘oniston bilan to‘qnashuvga tayyor ekanini e’lon qildi. Bu bayonot Islomoboddagi portlash voqeasidan so‘ng ma’lum qilindi, deb xabar beradi Afghanistan International.
Vazir nutqida, “Biz sharqda Hindiston, g‘arbda Afg‘oniston bilan to‘qnashishga tayyormiz. Birinchi jangda Xudo bizga yordam bergan, ikkinchisida ham yordam beradi”, degan.
Ekspertlar Pokistonning bunday bayonotlari mintaqaviy xavfsizlik va diplomatik vaziyatga jiddiy ta’sir ko‘rsatishi mumkinligini ta’kidlashmoqda. Ushbu so‘zlar ikki qo‘shni davlat bilan munosabatlarda keskinlikni oshirishi mumkinligi aytilmoqda.
